Asociación Galega de Speedcubing

Nos últimos anos, o speedcubing gañou unha gran popularidade en Galicia, atraendo a mozos e adultos apaixonados por resolver o famoso cubo de Rubik en tempos récord. Cidades como Vigo e Santiago de Compostela convertéronse en centros clave para a celebración de competicións rexionais, onde os mellores cubistas da comunidade e de toda España se xuntan para demostrar a súa destreza.

Os eventos inclúen obradoiros para principiantes, charlas sobre técnicas avanzadas e exhibicións de speedcubing por parte dalgúns dos mellores expoñentes de España. Isto fomenta un ambiente de comunidade e aprendizaxe, onde os afeccionados comparten os seus coñecementos e se animan mutuamente a mellorar.

A primeira competición oficial, celebrada en Galicia desde había 16 anos, foi en Vigo, o sábado 29 de xuño do 2024 no Centro Comercial Vialia, foi un éxito rotundo, con máis de 45 participantes de todas as idades. Os asistentes gozaron dun día de competición intensa, onde se viron auténticas proezas de rapidez. O mozo cubista galego Alejandro Fernández López destacou ao facer o mellor tempo galego na modalidade de 3x3 con tan só 8.48 segundos, un tempo impresionante que o coloca entre os mellores de España.

A popularidade do speedcubing en Galicia segue en ascenso, e con cada novo evento, a participación medra. O vindeiro gran campionato terá lugar en Santiago de Compostela, onde se espera unha gran afluencia de competidores e público.

Nome

*

Correo electrónico

*

Mensaxe

*